عربي - English - Soomaali
Alshabab oo Baladweyne Khaad ku gubay. | Dowladda KMG oo shirkad Caalami ah ku wareejisay maamulka Garoonka iyo Dekkeda Muqdisho. | Somaalida Maraykanka ku dhaqan oo ka cabsi qabta lacag u dirida Soomaaliya. | Xildhibaano ugu baaqay hay’adda UNDP in ay faraha kala baxdo dastuur u samaynta Soomaaliya. | Dhagaxtuur oo loo magacaabay agaasimo wasaarad. | Warsaxaafadeed ku saabsan socdaalkii wafdiga Qaramada Midoobay ee shalay Muqdisho. | Duqayn xoogan oo goor dhow Muqdisho ka bilaabatay. | Uganda oo shaacisay in ciidamo dheeraad ah ay Muqdisho usoo dirayso maalmaha soo socda. | Midowga Europe oo 47 milyan oo Euro u qorsheeyay howl galada AMISOM. |

Madaxweyne Sharif oo Muqdisho kusoo laabtay.

31 July, 2010

Muqdisho (Alshahid)-Madaxweynaha dowladda KMG ee Soomaaliya; Sheekh Sharif Sheekh Axmed ayaa maanta barqadii kasoo degay garoonka diyaaradaha ee Adan Adde International Airport kadib markii uu dalka ka maqnaa muddo laba todobaad ah.

Madaxweynaha oo hogaaminayay wafdi balaaran oo ay ku jiraan wasiiro, xildhibaano iyo shaqaalo katirsan kuwa madaxtooyada ayaa waxaa garoonka kusoo dhaweeyay mas’uuliyiin katirsan dowladda KMG oo u badnaa xildhibaano.

Madaxweyne Sharif ayaa markii uu soo dagay waxa uu hadal kooban siiyay saxaafada isaga oo sheegay in ururka Alshabab ay dalka wakiil uga yihiin urur weynaha Alqaacida ayna dhibaato joogta ah ku hayaan shacabka Soomaaliyeed iyo waliba wadamada dariska ah.

Madaxweynaha ayaa waxaa loo sii galbiyay xaruntiisa Villa Soomaaliya waxaana lagu kexeeyay gawaarida qafilan ee ay AMISOM leedahay.

Madaxweyne Sharif ayaa socdaal kusoo kala bixiyay wadamad; Masar,Talyaaniga, Chad iyo waliba Uganda oo uu uga qayb galay kullankii Madaxda Midowga Afrika kaasi oo lagu soo qaaday xaalada amaan ee Soomaaliya iyo khatarta ururka Alshabab uu ku haayo Geeska Afrika.

Xogta: ALSHAHID
Categories: Muuji, Warar
Tags:

Tacliiq qor

Log in /